PAMMUJI 45:8 - KITTA' MATANGKASA'

⁸ Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

PAMMUJI 45:8 Referans Kwoze

KELONG MALA'BIRI' 1:3

Ikau sanna' mabau'nu, arennu sanrapang minynya' mabau' tattumpaya; lanri kammana minjo nanangaiko tuloloa!

YOHANES 19:39

A'lampa tommi Nikodemus le'baka battu ri wattunna bangngi mae ri Isa. Angngerammi Nikodemus rampa-rampa, kammaya campurang minynya'-minynya' bau', siagang minynya'-minynya' bau' cendana – kira-kira nia' tallumpulo kilogarang jaina battala'na.

KELONG MALA'BIRI' 4:6

Eroka' mange ri moncong muru', mange ri bulu' kamanynyang, sa'genna ammiri' anging bari'basaka, napa'lanynya' sassanna bangngia.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

PAMMUJI 16:11

Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

YOHANES 14:2

Ri balla'Na ManggeKu jai tampa' pammantangang. ErokkA' a'lampa mange anjoreng ampasadiang ngasengko tampa'. Ka'de' tena nakamma tena oloKu lakkana kamma ri kau ngaseng.

AMOS 3:15

Sikamma balla' untu' wattu dinginga siagang balla' pammari-marianga ri wattu timoroka laniancuruki. Sikamma balla' nibelo-beloa siagang gading gajaya lanirumbangi; sikontu balla' karaenga laniancuruki.

KELONG MALA'BIRI' 5:13

Pilisi'na rapangi koko rampa mabau', muncenna rapang bunga bakung appamatti' muru' tanibengkoro'.

KELONG MALA'BIRI' 5:5

Nakumbangummo nai' ero' ansungkeangi pakke'bu' tanringku. Ammatti' muruka battu ri limangku siagang karemengku, ambasai ta'galanna panjoli pakke'buka.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

KELONG MALA'BIRI' 1:13

Tanringku rapangi muru' rasa mabau'na, ri wattu anra'bana ri barambangku.

PAMMUJI 150:4

Pujimi siagang rabana nu'joge'-joge', pujimi siagang kacapi na suling.

1 KARAENG-KARAENG 22:39

Riwaya' maraengannaya ri sesena Karaeng Ahab, ri sesena balla' kakaraengang gadinga, kammayatompa sikontu kota le'baka nabangung, le'ba'mi nicata' lalang ri kitta' Riwaya'na sikamma karaeng Israel.

PAMMUJI 45:15

Nirurungang ri tujai mange ri karaeng, sangka' rupa cura'na pakeanna, nirurungang ri sikamma tulolo, bela-belana, ke'nanga pole untu' karaeng.

PAMMUJI 11:7

Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.