PAMMUJI 45:6 - KITTA' MATANGKASA'

⁶ Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 45:6 Referans Kwoze

PAMMUJI 93:2

Kassaki empoanTa battu ri uru-uruna, battu ri satunggu-tungguta nia' memangKi'.

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

PAMMUJI 89:29

Latuli Kukamaseangi satunggu-tungguna, parjanjiangKu siagang ia tuli majarre'na.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

2 SAMUEL 23:4

rapangi caya singara' ammumbaya ri bari'basa' dudua wattu singara'na langika. Rapangi singara'na alloa ri wattu le'ba'na bosi ampaccillaki ruku' moncongbuloa ga'ga nicini'.”

PAMMILANGNGANG 24:8

Allata'ala angngerangi ke'nanga assulu' battu ri butta Mesir, rapang tedong romang a'bunduka ansambeangi ke'nanga. Bansa-bansana musua lacappuki Naa'lu', buku-bukunna ke'nanga Nalissaraki, siagang pana-panana ke'nanga Natepoki.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.