PAMMUJI 44:22 - KITTA' MATANGKASA'

²² mattantu laNaassengi Allata'ala, saba' Naassengi rahasiana atinna ikambe.

PAMMUJI 44:22 Referans Kwoze

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

PAMMUJI 44:11

Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

YOHANES 15:21

Lanagaukang ngasengi anjo kammaya mae ri kau, lanri amminawannu ri Nakke, siagang lanri tenana naassengi ke'nanga angkana inai assuroA'.

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

PA'JARIANG 18:15

Lanri malla'na Sara, assassala'mi na nakana, “Tena kummakkala'.” Mingka appialimi Batara angkana, “Ammakkala' memangko sumpaeng.”

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

PAMMUJI 94:11

Naassengi Batara pikkirang taccokkona rupataua, Naassengi angkana yangasenna sia-siaji bawang.

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”