PAMMUJI 43:3 - KITTA' MATANGKASA'

³ Pa'nyatai tamamminraTa untu' angsingaria' siagang angngulua', sollanna kummotere' mange ri Sion, bulu' matangkasatTa antama' ri Balla' PammantanganTa.

PAMMUJI 43:3 Referans Kwoze

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

YOHANES 1:4

Iaminjo Kanaya nakabattui katallassanga, na iaminjo katallassanga assingari rupataua.

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

PAMMUJI 119:105

Kana-kananTa sanrapangi sulo ri jappaku, cahaya untu' ansingari oloangku.

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

PAMMUJI 84:1

Untu' pamimping pakelong. Situru' lagu: Gitit. Pammujina golongang Korah.

PAMMUJI 40:11

Tena kuboliki anjo kabara' kasalamakkanga ri atingku, tuli kukabarrangi pannulunTa siagang tamamminraTa. Tena ku'mereki ri dallekanna pa'rappunganna ummatTa, mingka tuli kupappiassengangi pangngamaseanTa na tamamminraTa.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

PAMMUJI 78:68

Mingka Napilei suku Yehuda, siagang Bulu' Sion Nangaia.

PAMMUJI 46:4

manna na'jallo' tamparanga siagang bombang lompo, nannekkere' bulu'-buluka natunrung.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

1 PATTOTTORANG 16:1

Nipadongko'mi anjo Patti Parjanjianga lalang ri kema le'baka napasadia Daud untu' anjo Pattia. Nampa assaremo koro'bang ke'nanga mae ri Allata'ala, iamintu koro'bang nitunu siagang koro'bang untu' passiamakkang.

1 PATTOTTORANG 16:39

Mingka Zadok siagang imang-imang maraengannaya nisarei tugasa' untu' angngurusuki gau' passambayanganga ri tampa' passambayanganga ri Gibeon.

2 SAMUEL 15:20

Tenapa nusallo ammantang anrinni, angngapa nalakusuroko amminawang a'lampa a'la'bang mange-mange siagang kalengku? Inakke kalengku takuassengai angkana la'lampa kemaea'. Ammotere' mako siagang erang tommi julu bansanu, dasi-dasi naNakamaseangko Batara siagang tamamminraya mae ri kau.”

1 PATTOTTORANG 21:29

Anjo wattua KemaNa Batara anjorengi ri parang lompoa napare' Musa. Na ia tampa' pakkoro'bangngang nitunua nia'iji ri tampa' passambayanganga ri Gibeon.

2 SAMUEL 15:25

Nampa nakanamo karaenga ri Zadok, “Poterangi anjo Patti Parjanjianga mae ri kotaya. Punna Nangaia' Batara, tantu Nasarea' pangngellai ammotere' siagang anciniki pole anjo Patti Parjanjianga siagang tampa' pammantanganNa.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.