PAMMUJI 43:2 - KITTA' MATANGKASA'

² IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?

PAMMUJI 43:2 Referans Kwoze

PAMMUJI 42:9

Poro Napappicinikang lalo pangngamaseanNa Batara ri wattu allo sollanna kukkulle akkelong ri wattu bangngi appala' doang ri Allata'ala kabattuanna tallasakku.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PAMMUJI 94:14

Saba' talaNabokoiyai Batara umma'Na; talaNabawang-bawangngangiai pisaka Napatanga.

PAMMUJI 44:9

Jari tuli lanipakalompo maKi', ri kambe, siagang tulusu' appala' sukkuru' mae ri Katte.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

PAMMUJI 140:7

O, Batara, kukana: IKattemi Allata'ala, Kiparhatikanga' lalang pappala' doangku.

PAMMUJI 77:7

Ri wattunna bangngi kunawa-nawai, siagang akkuta'nang lalang pa'mai', angkana,

PAMMUJI 71:9

TeaKi' pelakkia' ri wattu toakumo teaKi' bokoia' punna tenamo kagassingangku,

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

PAMMUJI 31:4

Iye', iKattemi sanrapang moncong batu siagang tampa' attahang makassaka untu' kalengku! Kirurunganga' situru' janjinTa.

PAMMUJI 42:10

Kukana ri Allata'ala, mappatojengku, “Angngapa naKikaluppaia? Angngapa kumusti tulusu' pa'risi', lanri nijallakkang ri musu-musungku?”

PAMMUJI 88:15

O Batara, angngapa Kitollaka'? Angngapa Kiallei rupanTa battu ri nakke?