PAMMUJI 41:13 - KITTA' MATANGKASA'

¹³ Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

PAMMUJI 41:13 Referans Kwoze

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”

PAMMUJI 89:52

Musu-musunTa nahinai karaeng nipileTa, o, Batara, manna kemae lampana tuli nacau-caui.

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 150:6

Siratangi sikontu apa attallasaka mamuji ri Batara. Pujimi Batara!

PAPPICINI' 7:12

Akkio'mi ke'nanga angkana, “Aming! Nipujimi Allata'ala Mala'birika siagang Mabajika. Iami siratanga nipitujui alla'bi-la'bi kasukkurang siagang pappakalompo. Iami makoasa siagang magassing sa'genna satunggu-tungguna! Aming.”

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

1 KORINTUS 14:16

Nasaba' punna rohnuji bawang appala' sukkuru' mae ri Allata'ala, nania' tau maraeng tena napahangi anjo bicara appakalannasa' battua ri RohNa Allata'ala, takkulleai anjo taua angkana, “Cocoka'” siagang anjo pappala' sukkuru'nu lalang pappala' doangannu; nasaba' tanaassengai angkana apa anjo nupaua.

YEREMIA 28:6

“Bajiki! Dasi-dasi na'rupaja antu botonu, siagang Naerang tojengi Batara ammotere' battu ri Babel barang-baranna Balla'Na Batara siagang sikontu tau nipelaka mange anjoreng.

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

1 KARAENG-KARAENG 1:36

Appialimi Benaya angkana, “Baji'mi karaeng mala'biri', poro Batara, Allata'alana karaengku, ampakajarreki anjo parentana karaeng.

PAPPICINI' 22:20

Ia ampabattuai sikammaya anne birittaya angkanami, “Kontutojengi, mattantu labattuA' linta'!” Aming! Battu maKi', o Batara Isa!

PAMMILANGNGANG 5:22

Anne je'ne' angngeranga pattunra lantamaki ri battannu siagang napakkambangi battannu kammayatompa ampakapurruki poko' bonggannu.” Anjo bainea musti appiali angkana, “Kusitujui; poro kamma laloi anjo Nagaukang Batara.”

PAMMUJI 147:6

Napabangungi tau nijallakkanga, mingka tau ja'dalaka Napatappasaki naung ri buttaya.