PAMMUJI 40:8 - KITTA' MATANGKASA'

⁸ Nampa kukana, “Annemi kalengku, lalang gulungang kitta' tattulisika untu' inakke:

PAMMUJI 40:8 Referans Kwoze

ROMA 7:22

Atingku lalang nangai apa-apa Napassuroanga Allata'ala,

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

PAMMUJI 119:47

Kasannangangku iamintu anggaukangi parentaTa, saba' mangngaia' ri ia.

PAMMUJI 119:92

Ebara' angkana hukkunTa teai nakabattui karannuangku, mattantu le'ba'ma' mate lalang ri pa'risikku.

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

2 KORINTUS 3:3

Kalennami ke'nanga akkulle anciniki, angkanaya sanrapangko sura' Natulisika Almasi, nikiringa siagang napabattua ikambe. Anjo suraka teai dawa' nipatulisi' mingka Roh mattallasa'Na Allata'ala; tena todong nalalang ri karattasaka nitulisi', passangalinna lalangi ri atinna rupataua.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

ROMA 8:29

Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.