PAMMUJI 40:17 - KITTA' MATANGKASA'

¹⁷ Poro sikontu tau anynyombaya ri Katte marannu siagang ma'reja-reja, na sikontu tau mangngaia ri kasalamakkang battua ri Katte tuli nakana, “Tojeng, Malompoi Batara!”

PAMMUJI 40:17 Referans Kwoze

PAMMUJI 70:5

Poro sikamma tau anynyombaya mae ri Katte a'rannu-rannu siagang ma'reja-reja; na sikontu mangngaia ri kasalamakkang battu ri Katte tuli nakana, “Tojeng, tamaka malompona Batara!”

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.

PAMMUJI 54:4

Kipilangngeri pappalakku, o, Allata'ala, Kiparhatikang laloi kana-kanangku.

PAMMUJI 40:5

Mate'nei tau matappaka ri Batara, tenaya nanynyomba ri rewata-rewataya, yareka appala' tulung mae ri tau tampoa.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

PAMMUJI 86:1

Pappala' doanna Daud. Kipilangngeri pappala' doangku, o, Batara, siagang Kipiali laloa', saba' kasi-asia' na kulamma.

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

PAPPICINI' 22:20

Ia ampabattuai sikammaya anne birittaya angkanami, “Kontutojengi, mattantu labattuA' linta'!” Aming! Battu maKi', o Batara Isa!

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

PAMMUJI 109:22

Nasaba' kasi-asia' na kupa'risi', siagang loko' lantangi atingku.

PAMMUJI 34:4

Malompoi Batara niaka anrurunganga', umba kissama-sama ampakala'biriki arenNa.

PAMMUJI 35:27

Poro tu eroka ancinikka' nipattojeng akkio' rannu siagang ma'reja-reja. Poro a'mole-molei ke'nanga angkana, “Malompo tojenna Batara! Nakaerokangi kasalamakkanna atanNa!”

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”