PAMMUJI 40:12 - KITTA' MATANGKASA'

¹² O, Batara, teaKi' ammari angkamaseanga'; tuli Kijagaia' siagang pangngamaseanTa na tamamminraTa.

PAMMUJI 40:12 Referans Kwoze

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

LUKAS 21:26

Teai sipato' malla'na rupataua andallekangi sikamma apa lakajarianga ri sikontu anne linoa, lanri la'jari tasilolongammi siagang laricu ngasemmi napakamma malla' sikontu tau anna'galaka koasa ri sila'banna linoa.

PA'JARIANG 42:28

Akkio'mi ri sikamma sari'battanna nakana, “Nipoterangi doekku! Ciniki, niaki lalang ri karungku!” Malla'mi nasa'ring ke'nanga. Lalang malla'na ke'nanga, massing nakanamo para ia, “Apa Nagaukang Allata'ala mae ri katte?”

PAMMUJI 61:8

Poro ammarentai satunggu-tungguna salaku karaeng nipileTa, o, Allata'ala, Kijagai siagang pangngamaseanTa na tamamminraTa.