PAMMUJI 40:11 - KITTA' MATANGKASA'

¹¹ Tena kuboliki anjo kabara' kasalamakkanga ri atingku, tuli kukabarrangi pannulunTa siagang tamamminraTa. Tena ku'mereki ri dallekanna pa'rappunganna ummatTa, mingka tuli kupappiassengangi pangngamaseanTa na tamamminraTa.

PAMMUJI 40:11 Referans Kwoze

PAMMUJI 43:3

Pa'nyatai tamamminraTa untu' angsingaria' siagang angngulua', sollanna kummotere' mange ri Sion, bulu' matangkasatTa antama' ri Balla' PammantanganTa.

PAMMUJI 23:6

Kuassengi angkana bajikKi' mae ri nakke, na Kituli mangngamaseang mae ri nakke. Kukkullemo ammantang ri BallatTa, lalang sikontuna tallasakku.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PANGNGEBARANG 20:28

Punna ammarenta karaenga siagang mangngamaseang, lambusu', siagang adele', latuli makoasai.

PAMMUJI 69:16

TeaKi' balang parekangia' nilo'lorang ri bombang manaika, siagang tallang ri dapara'na tamparanga yareka ri kuburu' lantanga.

PAMMUJI 61:7

Poro la'bu lalo umuru'na karaenga, sa'genna attallasa' a'bija-bija.

PAMMUJI 69:13

A'jari carita' ri tampa' pa'rappunganna taua, kelong-kelong tunasa'ringa inakke napitabai.

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

PAMMUJI 89:2

PangngarimangnginTa, o, Batara, latuli kukelongang, tamamminraTa lakukabarrang mae ri sikontu turungang.