PAMMUJI 39:2 - KITTA' MATANGKASA'

² Nakana nawa-nawangku, “Eroki kujagai kalengku sollanna tena kudoraka lanri lilaku. Taeroka' a'bicara lalang a'reppese'na ija tau ja'dalaka.”

PAMMUJI 39:2 Referans Kwoze

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

PAMMUJI 34:14

Teako appasuluki kana-kana ja'dala', siagang teako nungai akkala' annipua.

PAMMUJI 119:33

O, Batara, ajarakka' battuanna sikamma katantuanTa, sollangku mannuruki sa'genna kala'busang.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 141:3

O, Batara, Kijagai bawaku siagang Kijannangngi muncengku.