3 Annarrusuki ana' panaTa ambokkaki kalengku, battalaki kusa'ring limanTa anjallakkanga'.
O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.
Kituntuka' situlusu' atinTa; Kipirassimi atingku siagang pangngassenganTa.
Dodonga' sanrapang ruku' kalotoro', tena sikali pattujungku angnganre.
TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.
Anjo wattua sitabangi Uzia ammenteng ri ampi'na tampa' pakkoro'bangngang dupaya ri Balla'Na Batara, anna'gala' pattunuang dupa. Larroi mae ri anjo imang-imanga, siagang ti'ring nia'mo garring kodi ammumba ri abanna.
Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.
Allo bangngia' Kijallakkang, o, Batara, la'busu'mi kagassingangku niiso' ri bambanna alloa.