PAMMUJI 37:9 - KITTA' MATANGKASA'

⁹ Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMUJI 37:9 Referans Kwoze

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

PAMMUJI 25:13

Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

PAMMUJI 37:29

Tu bajika nawarisiki anjo buttaya, na napammantangngi satunggu-tungguna.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”

PANGNGEBARANG 2:21

Nasaba', tau attallasaka situru' ero'Na Allata'ala, iamintu tau lambusuka pa'mai'na, iami ke'nanga lammantang ri pa'rasangang le'baka Napa'janjiang Batara.

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

PAMMILANGNGANG 26:65

Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

YOSUA 14:9

Na lanri kammana anjo, a'janjimi Musa mae ri nakke angkanaya anjo butta le'baka kujappai mattantu lanipassareangi mae ri nakke siagang ana'-anakku a'jari butta pisakana ikambe sa'genna satunggu-tungguna.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.