PAMMUJI 37:8 - KITTA' MATANGKASA'

⁸ Teako larroi siagang teako bambangi nyawanu, anjo cilakaji bawang naerang.

PAMMUJI 37:8 Referans Kwoze

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

KOLOSE 3:8

Mingka kamma-kamma anne parallui nupela' battu ri kalennu sikamma sipa'-sipa' ja'dalaka. Tea' mako larroi yareka a'jalloki pole yareka teako birisi' pa'maiki mae ri parannu tau. Tea sikaliko pasuluki ri bawanu kana-kana pali'boa, yareka bicara ra'masaka.

AYUB 5:2

Tau toloaji bawang matea lanri pa'risi' nyawana.

YUNUS 4:1

Tena sikali nasannang nyawana Yunus ri anjo passalaka; ba'lalo a'jari larromi.

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

AYUB 18:4

Anjo larronu poro kalennuji napa'risi. Apaka musti tappelaki pandudu'na buttaya lanri untu' kaparalluannu, siagang nipalette' sikamma monconga battu ri tampa'na?

PAMMUJI 73:15

Ebara' angkana akkana kamma' anjo, kubaliammi ana'-ana' ri bokoku.

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 116:11

Lalang kalinguangku nakukana, “Tena manna sitau akkulle nipatappa'.”

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.