PAMMUJI 37:29 - KITTA' MATANGKASA'

²⁹ Tu bajika nawarisiki anjo buttaya, na napammantangngi satunggu-tungguna.

PAMMUJI 37:29 Referans Kwoze

PANGNGEBARANG 2:21

Nasaba', tau attallasaka situru' ero'Na Allata'ala, iamintu tau lambusuka pa'mai'na, iami ke'nanga lammantang ri pa'rasangang le'baka Napa'janjiang Batara.

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.

PAMMUJI 37:18

Najagai Batara katallassanna tu bajika, barang pisakana ke'nanga sa'genna satunggu-tungguna.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAMMUJI 37:27

Bokoi kaja'dallanga, gaukangi bajika, na untu' satunggu-tungguna napammantangngi turungannu anjo buttaya.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

PAMMUJI 25:13

Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.