PAMMUJI 37:23 - KITTA' MATANGKASA'

²³ Narenrengi Batara taua ri oloang mustia naolo, Napakajarreki tau Napangngellaia ri tallasa'na.

PAMMUJI 37:23 Referans Kwoze

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PAMMUJI 119:133

Kipakajarreki dakkaku situru' janjinTa, teaKi' balang parekangia' nikoasai ri kaja'dallanga.

PANGNGEBARANG 4:26

Pikkiri' baji'-bajiki rolong nampa ampanggaukangko, nalangngerang wassele' sikontu usahanu.

PAMMUJI 40:2

Sa'barakka' antayangi bantuanNa Batara; nampa Naparhatikanga' siagang Napilangngeri pakkiokku.

PAMMUJI 121:8

Ia anjagaiko ri wattu battunu siagang a'lampanu, anne kamma siagang satunggu-tungguna.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

PAMMUJI 85:13

Napassareangi Batara bajika, nalangngerang wassele' buttata.

YEREMIA 10:23

Batara, kuassengi angkanaya tena manna sitau makoasa ampattantui sarenna yareka allewai oloang tallasa'na.

PAMMUJI 121:3

Tena nalaNabalang parekangko tu'guru', tuli Najagaiko pajaganu.

PAMMUJI 17:5

Tuli kuturuki pappijo'jotTa lalang tallasakku tena kule'ba' ammengka sala ri anjo oloanga.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

PAMMUJI 119:5

Poro inakke siagang pa'mai' majarre' anturuki paratorang-paratoranTa.

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

PANGNGEBARANG 11:20

Nakabirisi Batara tau ja'dalaka pa'mai'na, mingka Nakamaseangi tau tenaya callanna tallasa'na.

1 SAMUEL 29:10

Lanri kammana anjo Daud, ammuko ikau ngaseng le'bakamo ambokoi Saul nampa battu mae ri nakke, musti bari'basakko ambangung nunampa a'lampa linta' punna ammumbamo alloa.”

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.