PAMMUJI 37:21 - KITTA' MATANGKASA'

²¹ Tu ja'dalaka angnginrangi na tanapoterangnga, mingka tau bajika lammoro' pa'maiki assare.

PAMMUJI 37:21 Referans Kwoze

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PANGNGEBARANG 22:7

Tu kasi-asia nikoasai ri tau kalumanynyanga; tau angnginranga nikoasai ri tau assarea angnginrang.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAOLE 28:12

Lappaturungi bosi Batara punna narapi' wattunna battu ri pammolikang alla'biNa ri langika. LaNabarakkaki sikontu usahanu, sa'genna akkulleko assarei angnginrang jaia bansa, mingka tena nuparallu angnginrang manna pole battu ri nai.

LUKAS 6:30

Punna nia' tau appala' apa-apa ri kau, sare laloi. Na punna naalle passa apa-apannu, teako palaki ammotere'.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.