PAMMUJI 35:19 - KITTA' MATANGKASA'

¹⁹ TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 35:19 Referans Kwoze

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

PANGNGEBARANG 6:13

Akkarena matai siagang appareki pammatei untu' annipu.

PAMMUJI 38:19

Kumangakui dosa-dosaku; lussaki pa'maikku annawa-nawai kasalangku.

PAMMUJI 13:4

Kicinikima' o, Batara Allata'alaku, Kipilangngerimi pappala' doangku. Kipammollei kagassingangku, siagang teaKi' lappassangia' mate.

PANGNGEBARANG 10:10

Inai ancokkoi katojenganga, appaumbai kasusaang; inai akkana lambusu' ancallai kodia, angngusahai kasalewangang.

PAMMUJI 38:16

Mingka manrannuanga' ri Katte, o, Batara, na iKatte, Batara Allata'alaku, Kipialia'.

PIRAUNG 3:52

Rapanga' jangang-jangang, niondang ri musu natakuassenga apa salangku.

PAMMUJI 119:161

Sikamma ammarentaya naondanga' natena passabakkanna, mingka hukkunTaji bawang kukamallakkang.

PAMMUJI 109:3

Nabakkaia' ke'nanga siagang kana-kana pangngabirisi, nabundukia' ke'nanga natena passabakkanna.

PAMMUJI 35:15

Mingka ri wattungku susa, sannangi pa'mai'na ke'nanga, siagang a'rappungammi ambalianga'. A'jappa keppang-keppangi ke'nanga untu' ancau-caua'.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

AYUB 15:12

Mingka a'jari naiki larronu, a'rinra-rinrai matannu;

PAMMUJI 38:17

TeaKi' balang parekangi musungku sannang ancinika' susa, teaKi' balang parekangi ke'nanga akkana borro punna ta'lengga'.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PAMMUJI 69:5

Tau birisika ri nakke natena passabakkanna, la'bi jaiangngangi najaina uukku ri ulungku. Tau gassinga eroki angngancurukka'; nabakkaia' siagang napitina' ke'nanga. Napassa' ampoterangi barang-barang tenaya nakualle passa.