PAMMUJI 34:13 - KITTA' MATANGKASA'

¹³ Erokko la'bu umuru'nu siagang angkasiaki bajika?

PAMMUJI 34:13 Referans Kwoze

PAMMUJI 141:3

O, Batara, Kijagai bawaku siagang Kijannangngi muncengku.

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

YAKOBUS 3:2

Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.

PANGNGEBARANG 13:3

Tau tenaya natutu ri kana-kananna tena nalaamang ri tallasa'na; tau a'bicara sambaranga lanatujui kacilakang.

PANGNGEBARANG 12:22

Birisiki Batara mae ri tau paballe-ballea; mingka sannangi mae ri tau lambusuka.

PANGNGEBARANG 12:19

Sipakkida mataji natassungkemo balle-ballea, mingka kana-kana tojenga latuli niaki satunggu-tungguna.

PAMMUJI 39:1

Untu' pamimping pakelong. Pammujina Daud. Untu' Yedutun.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

PANGNGEBARANG 18:21

Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

PANGNGEBARANG 19:9

Tau a'balle-ballea ri pangadelang mattantu lanihukkungi siagang nipanraki.

PAMMUJI 55:11

Allo bangngi a'jappa ke'nanga akkuliling, anggaukangi kaja'dallanga siagang appare' karicuang.

YESAYA 63:8

Nakana Batara, “Tojeng, anjo ke'nanga ummakKu, ana'-ana' tenaya nappakala'ba pa'mai'.” Na Ia a'jari Mappasalama'na ke'nanga,

PANGNGEBARANG 12:7

Tau ja'dalaka latu'guruki napanra' tena bate-batena; mingka tau bajika latuli jarreki sikontu turungang.

AYUB 15:13

larroko mae ri Allata'ala siagang nubali-bali.

AMOS 5:14

Appattujuang mako a'gau' baji' siagang tea' mako a'gau' ja'dalaki, sollannu akkulle attallasa'. Na Batara Kaminang Koasaya ma'nassa lammantang tojengi ri tangnga-tangnganu sangkamma nukananga.