PAMMUJI 34:11 - KITTA' MATANGKASA'

¹¹ Cipuru' tommi singa-singaya lanri kakurangang ri kanre; mingka tau anynyombaya ri Batara tena nakakurangang.

PAMMUJI 34:11 Referans Kwoze

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

YESAYA 28:9

Akkunrarengi ke'nanga passala' ri nakke, nakana, “Nakana kalenna inai naajara'? Inai todong parallu pappakasingara' battu ri ia? Nakanaka ikatte anne ana' ca'di beru nisa'la susu?

PANGNGEBARANG 8:17

Kukamaseangi tau mangngaia mae ri nakke; inai amboya', lanabuntulukka'.

PANGNGEBARANG 7:24

Lanri kammana anjo, ana'-anaka, pilangngeria'. Parhatikangi sikamma pappakaingakku.

PANGNGEBARANG 4:1

He ana'-anaka, pilangngeri laloi pappakainga'na manggenu. Parhatikangi anjo, nanula'jari tau cara'de'.

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

2 TIMOTIUS 3:15

Musti nuu'rangi angkanaya battu ri ca'dinu iji nanuassennamo Kittaka. Anjo Kittaka akkulleko nasare pangngassengang untu' anggappai kasalamakkanga tete ri katappakkang mae ri Isa Almasi.

PANGNGEBARANG 8:32

Lanri kammana anjo, pilangngeria', he tau rungkaya! Turuki pitunjukku, nulamate'ne.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YOHANES 13:33

Ana'-anakKu ngaseng, tenamo naKulasallo ammantang angngagangko. LanuboyA' sallang, mingka sangkamma le'baka Kupau ri pamarentana tu Yahudia, kamma tomminjo Kupau ri kau ngaseng; angkanaya takkulleako mange ri tampa' laKumangeia.

AYUB 4:11

Matei ke'nanga sanrapang singa kakurangang ri kanre, sa'genna tassia'-siara'mo ana'na tamattantua.

PAMMUJI 23:1

Pammujina Daud. Batara sanrapang pakalawaki mae ri kalengku, tena kukakurangang.

PAMMUJI 107:9

Saba' Napassaui turerena tau turerea, napila'bi-la'bi tau cipuruka siagang sikontu apa bajika.

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.