PAMMUJI 33:5 - KITTA' MATANGKASA'

⁵ Nangai kalambusanga siagang kaadelanga; sikontu linoa rassi siagang pangngamaseanNa.

PAMMUJI 33:5 Referans Kwoze

PAMMUJI 11:7

Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.

PAMMUJI 119:64

Rassi linoa siagang pangngamaseanTa, o, Batara, ajaria' sikamma katantuanTa.

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

IBRANI 1:9

MangngaiKo ri kaadelanga, birisikKo ri kajekkonganga; iaminjo saba'na, naNapileKo Allata'ala, iamintu Allata'alaNu, na Nasareko kalompoang, langngeranga karannuang, la'bianganga na agang-aganNu.”

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.