PAMMUJI 33:16 - KITTA' MATANGKASA'

¹⁶ Teai lanri jaina tantarana nammeta karaenga, tena nasalama' surudadua lanri kagassinganna.

PAMMUJI 33:16 Referans Kwoze

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

2 PATTOTTORANG 20:23

Tantara Amon siagang Moab ambakkai tantara Edom nampa naancuru' tabasikali. Nampa a'giling ke'nanga para ia sibakkai a'bundu' lompo.

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.

KALAPPASSANG 14:28

Ammotereki je'ne' tamparanga siagang natongko'mi naung sikamma karetaya, sikamma tau niaka andongkoki, kammayatompa sikontu tantara Mesir niaka angngondangi tu Israel antama' ri tangngana tamparanga, sa'genna mate kabusu'mo ke'nanga.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

1 SAMUEL 17:4

Na nia'mo se're tau pore assiba'ji iamintu niarenga Goliat, tu battu ri kota Gat, assuluki battu ri kemana tu Filistin untu' ampa'ngarai tu Israel. Tinggina nia' kira-kira tallu metere',

YOSUA 14:12

Lanri kammana anjo, sareamma' kamma-kamma anne daera pa'moncongang Napa'janjianga Batara mae ri nakke ri wattungku ammotere' siagang sikamma tau kuaganga angngerang laporang. Anjo wattua kalennu allangngereki, angkanaya anjoreng nia' bansa lompo tinggia pakkaleanna, niarenga bansa Enak. Lalangi ke'nanga ri kota-kota lompo nitemboka tammulilina ammantang. LaNatulunga' kapang Batara, sa'genna akkulle kubongka ke'nanga, sangkamma Napaua Batara.”

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”

HAKING-HAKING 7:4

Nakanamo pole Batara mae ri Gideon, “Jai duduiji taunnu. Erangi ke'nanga mange ri binangaya. Anjorempi naKupileangko, punna Kukana ri kau, ‘Anne taua musti a'lampai siagang ikau,’ musti a'lampai. Mingka punna Kukana, ‘Anne taua takkulleai a'lampa siagang ikau,’ takkulleai a'lampa.”

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

1 KARAENG-KARAENG 20:15

Jari napagio'mi karaenga sikamma tantara rungka-rungkaya pangawala'na sikamma kapala daeraya. Yangasenna nia' 232 tantara. Nampa napakammatommi anjo tantara Israel. Yangasenna nia' 7.000 jaina tau.

2 PATTOTTORANG 13:8

Kamma-kamma anne gassingka nukapangi angkanaya akkullei nuewa kakoasang Napassareanga Batara mae ri jari-jarina Daud, lanri lompona pasukannu siagang lanri nia'na patung sapi bulaennu nipareka a'jari rewata ri Yerobeam untu' nusomba.

AYUB 36:7

Naparhatikangi tau lambusuka, Napa'jari koasai ke'nanga sangkamma karaeng, sa'genna nipakala'biri' ke'nanga satunggu-tungguna.

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?

PAMMUJI 20:8

Nia' tau ampattoangi kareta pa'bundukanna, nia' todong appattoangi jaranna. Mingka ikatte nipattoanga koasaNa Batara, Allata'alata.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YEREMIA 48:14

Antekamma nakkulle barani tu bura'nena Moab angkana, ‘Ikambe tubarani, tantara pore, le'baka niso'ri lalang pa'bundukang?’

HOSEA 10:13

Mingka ikau nugaukangi apa kabalekannaya; appattujuangko mae ri kaja'dallanga, siagang akkattoko tenaya naadele'. Nukanrei rappo-rapponna wassele' balle-ballenu.” Nakana pole Batara, “He bansa Israel, lanri nupattoanna kareta-kareta pa'bundukannu siagang jaina tantaranu,

AMOS 2:14

Manna tau gassinga lari tena todong nakkulle lata'lappasa'; tau gassinga latappelaki kagassinganna, siagang tau porea takkulleai napasalama' kalenna.

AMOS 2:15

Tau angngeranga pana talattahangngai, tau gassinga lari takkulleai lari, siagang padongko' jaranga takkulleai lata'lappasa'.