PAMMUJI 33:15 - KITTA' MATANGKASA'

¹⁵ Iami ampareki atinna ke'nanga, na Naasseng sikontu panggaukanna ke'nanga.

PAMMUJI 33:15 Referans Kwoze

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

PANGNGEBARANG 27:19

Sanrapang je'neka napaccarammengi tanja'nu, kamma tomminjo atinnu ampappicinikangi kalennu.

PANGNGEBARANG 24:12

Akkulle jako angkana, “Anjo teai urusangku.” Mingka Najannangngiko Allata'ala. Naassengi siagang Naadeli pikkirannu. Nabalasaki rupataua situru' panggaukanna.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

AYUB 11:11

Naassengi Allata'ala tau nangaia a'balle-balle; kaja'dallanna ke'nanga tena natassala ri matanNa.

AYUB 10:8

Inakke anne bate pare' limanTa', masa' laKipanrakia' kamma-kamma anne?

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.