PAMMUJI 31:7 - KITTA' MATANGKASA'

⁷ Tau anynyombaya barhala Kikabirisi; mingka inakke tappaka' mae ri Batara.

PAMMUJI 31:7 Referans Kwoze

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

PAMMUJI 119:153

Kiciniki pa'risikku siagang Kipasalama' laloa', saba' tena nakubalang parekangi hukkunTa.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

PIRAUNG 3:50

sa'genTa iKatte Batara niaka battu ri suruga amparhatikangi ikambe.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

PAMMUJI 9:13

Nasaba' Nau'rangi tau pa'risika taNakaluppaiyai piraunna ke'nanga; Nahukkungi tu pallaka panggaukanna.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

PAMMUJI 90:14

Kipakajaimi pangngamaseanTa mae ri kambe bari'-bari'basa', sollanna rannu siagang akkelong ikambe lalang sikontu tallasa'na.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

PIRAUNG 5:1

Kiu'rangi laloi, o Batara apa kajarianga mae ri kambe. Kiciniki laloi anne ikambe, Kiciniki antekamma tunanamo ikambe.