PAMMUJI 31:20 - KITTA' MATANGKASA'

²⁰ Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

PAMMUJI 31:20 Referans Kwoze

PAMMUJI 27:5

Najagaia' Batara ri wattungku lalang kasukkarang; Nacokkoa' lalang ri Balla'Na, na Naangkaka' nai' ri moncong batua.

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

AYUB 5:21

Najagaiko battu ri pitina siagang pangngompa salaya; tena numalla' andallekangi balaya.

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

PAMMUJI 140:3

Narancanakangi ke'nanga kaja'dallanga lalang ri pa'mai'na, siagang allo-allona appa'nia' pa'beserang.

PAMMUJI 40:4

Naajaraka' angkelongangi lagu berua lagu pammuji untu' Allata'alata. Jai tau anciniki siagang a'jari malla', nampa tappa' mae ri Batara.

PAMMUJI 10:2

Tampomi tu ja'dalaka anjallakkangi tu kasi-asia; boli'mi kamma nialle ke'nanga ri sikko' napare' kalenna.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

PAMMUJI 36:11

Poro tulusu' Kikamaseangi tu mangngassenga ri Katte, siagang a'gau' baji' mae ri tu lambusu' pa'maika.

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

PAMMUJI 124:5

mate tallang maki' lalang ri pocci'na je'ne' appakamallaka.”

GALATIA 5:20

kammayatompa ri panggaukang anynyombaya ri barhala, baca-baca pangngissenganga; assimusu-musua, passiba'jianga, akkimburua, pa'larroanga, kaparalluang kalennaji bawang naboyai, appasisala-salaya tau, siagang a'golongang-golonganga;

PAMMUJI 86:14

O, Allata'ala, ammentengi tau borroa ero' ambakkaia', sipa'rappungang tau palla' ero' ambunoa'; tena najampangiKi' ke'nanga.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

PAMMUJI 57:11

Saba' lompona pangngamaseanTa sa'genna langi', tamamminraTa sa'genna rammanga.

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

PAMMUJI 119:124

Kigaukammi mae ri nakke apa situruka janjinTa siagang ajaria' katantuanTa.