PAMMUJI 31:11 - KITTA' MATANGKASA'

¹¹ La'busu'mi katallassangku lalang ri kapa'risanga, allalomi taung-taung katallassangku lalang kunrareng. Kurammi kagassingangku lanri kaja'dallangku, ba'lalo a'jari lammami buku-bukungku.

PAMMUJI 31:11 Referans Kwoze

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

PAMMUJI 88:8

Battalaka' nijallakkang ri pangngalarroinTa, ancurukka' nijallakkang ri larroTa.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

PAMMUJI 64:8

Mingka Napabuccuki panaNa Allata'ala mae ri ke'nanga, nati'ring loko'mo ke'nanga.

1 PETRUS 4:14

Upakko punna nihinako lanri tappa'nu mae ri Almasi. Punna kamma anjo, battuanna nia'mi ri kau Roh Mala'birika, iamintu RohNa Allata'ala.

IBRANI 13:13

Lanri kammana, mae mako nakia'lampa mae ri Ia, ri pantaranganna pa'balla'-ballakanga, nakimminawang todong nihina siagang Ia.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!

ROMA 15:3

Nasaba' manna Almasi teai kasannangang KalenNa Nanawa-nawa. Nia' tattulisi' lalang ri Kittaka angkanaya, “Sikontu paccalla lamangea ri kalennu, tu'guru' mange ngasemmi ri Nakke.”

MARKUS 14:50

Lari ngasemmi ana' gurunNa ampilari Isa.

MATIUS 26:74

Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

MIKHA 7:6

Nasaba', ri wattu kammaya anne para anggota kaluarga massing lasimusu; ana' bura'nea nahinai manggena, ana' bainea naewai amma'na, siagang mintu bainea a'besereki siagang matoang bainena.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.