PAMMUJI 29:4 - KITTA' MATANGKASA'

⁴ Kalangngerangi sa'ranNa Batara, lalang koasa lompo siagang kagammarrang.

PAMMUJI 29:4 Referans Kwoze

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

LUKAS 4:36

Lannasa' ngasemmi taua, siagang massing nakanamo ke'nanga para ia, “Teai sipato' kana-kananNa anne taua. Lanri koasa siagang pangaru kana-kananNa na Nasuro assulu' setanga, nassulu' tojeng setanga!”

YESAYA 66:6

Pilangngeri! Nia' sa'ra gamarrung ri kotaya; nia' sa'ra battu ri BallakKu; iaminjo sa'rangKu a'balasaka mae ri musua!

LUKAS 8:25

Nampa Nakanamo Isa mae ri ana'-ana' gurunNa, “Angngapa natena ngaseng nutappa' ri Nakke?” Lannasa'mi siagang malla'mi ana'-ana' gurunNa Isa. Na massing angkanamo para ia ke'nanga, “Inai sitojenna anne taua sa'genna manna anginga siagang bombanga Naparenta ngaseng, nanituruki parentaNa?”

PAMMUJI 68:34

mae ri Ia angngoloai alla' marioloa. Pilangngeri! Batara a'bicara, sa'ranNa a'galutturuki sanna' heba'na.

PAMMUJI 93:4

Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”