PAMMUJI 27:1 - KITTA' MATANGKASA'

¹ Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

PAMMUJI 27:1 Referans Kwoze

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

PAMMUJI 62:6

Kupasannangi nyawaku antayangi Allata'ala, battu ri Iaji bawang kasalamakkangku.

PAMMUJI 18:28

Kipasalamaki tau tuna pa'maika, mingka Kipadundui tau tampoa.

AYUB 29:3

Tuli Nasarea' pannulung, Nasingaria' ri wattungku a'jappa lalang ri sassang.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

PAMMUJI 118:21

Mammujia' mae ri Katte, saba' Kiturukianga' pappalakku; Kisarema' pammetang.

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

PAMMUJI 62:2

Kupakasannangi nyawaku antayangi Allata'ala, battu ri Iaji bawang kasalamakkanga.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

YESAYA 2:5

He, turunganna Yakub, umba ki'jappa lalang singara'Na Batara!

PAMMUJI 18:46

Tenami kabaranianna ke'nanga; annekkere' siagang assulu' battu ri pammantanganna.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

YOHANES 1:9

Singara' sitojennaya, assingariai sikontu rupataua, nia'mi battu ri lino.

PAPPICINI' 7:10

Nampa akkio' lompo ke'nanga angkana, “Battu anjorengi ri Allata'ala kasalamakkanta, niaka ammempo irate ri empoang kala'biranga, siagang battu anjorengi ri anjo Ana' Gimbalaka!”

LUKAS 2:30

Nasaba' le'ba'mi nacini' mata kalengku Pappasalama' battua ri Katte.

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

LUKAS 3:6

Lanacini'mi sikontu bonena linoa Napasalama' Allata'ala rupataua!’ ”

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

PAMMUJI 43:2

IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?

PAOLE 7:18

Mingka teako mallakki mae ri ke'nanga; u'rangi apa le'baka Nagaukang Karaeng Allata'alanu mae ri karaeng Mesir siagang sikontu ra'ya'na.

PAOLE 7:21

Jari teako mallakki mae ri anjo bansa-bansaya. Karaeng Allata'alanu lanjagaiko. Iami Allata'ala malompo siagang sannaka heba'na.

PAMMUJI 18:29

Kiparinranga' suloku, Batara Allata'alaku ansingari kasassangangku.

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.