PAMMUJI 26:11 - KITTA' MATANGKASA'

¹¹ Mingka inakke lambusu' pa'maikka' lalang tallasakku, Kikamaseanga' siagang Kilappassang laloa'.

PAMMUJI 26:11 Referans Kwoze

PAMMUJI 69:18

TeaKi' accokkoi battu ri anne atanTa, saba' natujua' kasusaang, karo-karo maKi' antulunga'.

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

PAMMUJI 49:15

Sanrapang gimbala', nipattantui ke'nanga untu' mate; kamateang langkalawaki ke'nanga. Ri bari'basa' iji nibetami ke'nanga ri tau lambusuka linta'mi botto' tubuna ke'nanga lalang ri linona tu matea, bella battu ri pammantanganna tau assannang-sannanga.

PAMMUJI 49:7

Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

NEHEMIA 13:22

Nampa kusuro tu Lewia appare' upacara pannangkasi kale siagang sikamma pajaga pakke'bu' lompoa untu' anjannangngi sollanna napakalompo taua anjo allo Pammari-marianga. Appala' doanga' angkana, “O, Allata'ala, Kiu'rangia' lanri anjo todong passalaka, siagang kamaseanga' situru' lompona pangngamaseanTa.”

NEHEMIA 13:14

O, Allata'alaku, Kiu'rangi sikontu apa le'baka kugaukang untu' BallatTa ri Yerusalem siagang palayananna.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

PAMMUJI 101:2

Erokka' amparhatikangi cara tallasa'na tau tenaya callanna. Angngapapi naKibattu mae ri nakke? Erokka' attallasa' matangkasa' ri ballakku,