PAMMUJI 25:5 - KITTA' MATANGKASA'

⁵ Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

PAMMUJI 25:5 Referans Kwoze

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

YOHANES 16:13

Mingka punna battumo RohNa Allata'ala, iamintu ampa'nyatai katojenganNa Allata'ala, laniajara' mako angngassengi sikontu katojenganga. Tena nabattu ri KalenNa bawang nala'bicara, mingka apa-apa le'ba' Nalangngere' iaminjo Nabicara. Kammayatompa laNapauang tongko apa lakajarianga sallang ri allo ri boko.

PAMMUJI 88:1

Kelong. Pammujina golongan Korah. Untu' pamimping pakelong. Situru' lagu: Mahalat Leanot. Kelong pangngajara' battu ri Heman, tu Ezrahi.

PAMMUJI 79:9

Kitulung laloi ikambe o, Allata'ala, Tumappasalama'na ikambe, Kipammopporangi dosa-dosana ikambe siagang Kilappassangi ikambe untu' kalompoang kalenTa.

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

ROMA 8:14

Inai-nai nirurungang ri RohNa Allata'ala, iami ana'-ana'Na Allata'ala.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PAMMUJI 119:66

Kisarea' kacara'dekang siagang pangngassengang, saba' tappaka' ri sikamma parentaTa.

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

PANGNGEBARANG 23:17

Teako angngiri matai mae ri tau dorakaya. Tuli mannurukiko ri Allata'ala,

PAMMUJI 119:97

Tamaka kungaina hukkunTa; kunawa-nawai sila'busu' allo.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

PAMMUJI 86:3

IKattemi Allata'alaku, Kikamaseanga' o, Batara, saba' sila'busu' alloa' appala' doang mae ri Katte.

PAMMUJI 24:5

Iami lanibarakkaki siagang lanipasalama' ri Batara, siagang lanikana tutena salana ri Allata'ala.

PAMMUJI 22:2

Allata'alaku, o, Allata'alaku, angngapa naKibokoia'? Akkioka', mingka tuli bellaKi' na tena naKitulunga'.

PAMMUJI 119:33

O, Batara, ajarakka' battuanna sikamma katantuanTa, sollangku mannuruki sa'genna kala'busang.

PAMMUJI 119:26

Kumangakui panggaukangku, nampa appialimaKi' ri nakke; Kiajaria' katantuanTa.

AYUB 36:22

U'rangi, angkana anjo Allata'ala tamaka lompona koasaNa. Maka nia' guru naagang sangkamma heba'Na?

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

PAMMUJI 25:8

Saba' Batara bajiki na adele', Napicinikiangi oloang tau lingua.

PA'JARIANG 49:18

O Batara, kasalamakkang Kipassareanga, iaminjo sarro kutayanga.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.