PAMMUJI 25:12 - KITTA' MATANGKASA'

¹² Kipangngajarrangi mae ri tumappilangngeria oloang musti naoloa ke'nanga.

PAMMUJI 25:12 Referans Kwoze

PAMMUJI 37:23

Narenrengi Batara taua ri oloang mustia naolo, Napakajarreki tau Napangngellaia ri tallasa'na.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

PANGNGEBARANG 2:5

Lanri kammana lanuassemmi angkanaya apa battuanna nikanaya malla' ri Batara, siagang lanugappami pangngassengang ri sesena Allata'ala.

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

LAMPA-LAMPANA 11:14

Iami lampabattui mae ri kau kabara' lakkullea ampasalamakko siagang sikontu bone balla'nu.’ ”

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

PA'JARIANG 26:2

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

YOSUA 3:4

mingka teako ambani dudui ri anjo Pattia a'jappa; pinawangi battu ri boko kira-kira se're kilometere' bellana. Jari kammaminjo nalanuasseng agang kereanga musti nuolo, nasaba' tena le'bakapi nuolo anne daeraya.”

1 SAMUEL 9:6

Appialimi anjo palayanga angkana, “Kitayangi rolong! Ri anne kotaya nia' sitau atanNa Allata'ala. Sanna' nipakala'biri'na ri taua, lanri anjo apa napaua, ma'nassa kajariang tojeng-tojengi. Umba ki'lampa mange ri ia, gassingka akkulleki' napauang kemaei anjo keledai-keledaia.”

PANGNGEBARANG 2:9

Punna mannurukiko ri nakke ana', lanuassengi anjo apa nikanaya adele', lambusu', siagang baji'. Lanuasseng tongi angkana antekamma batenu nukkulle tulusu' attallasa'.