PAMMUJI 25:10 - KITTA' MATANGKASA'

¹⁰ Tau mannurukia ri parjanjianNa siagang hukkunNa, Nagau' kamasei siagang tamamminrayai.

PAMMUJI 25:10 Referans Kwoze

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

PAMMUJI 40:11

Tena kuboliki anjo kabara' kasalamakkanga ri atingku, tuli kukabarrangi pannulunTa siagang tamamminraTa. Tena ku'mereki ri dallekanna pa'rappunganna ummatTa, mingka tuli kupappiassengangi pangngamaseanTa na tamamminraTa.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

PAMMUJI 91:14

Nakana Batara, “LaKupasalamaki tau mangngaia mae ri Nakke, laKupasalamaki tau angngakuiA'.

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

LAMPA-LAMPANA 10:35

Inai-nai malla' ri Allata'ala siagang anggaukangi kabajikanga, iami nitarima ri Allata'ala, manna pole bansa apa.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAMMUJI 89:14

Tamaka lompona koasaTa, tamaka heba'na kagassinganTa!

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

PAMMUJI 33:4

Sikontu kananNa Batara akkullei nipatappa'; tamamminrayai lalang sikontu panggaukanNa.

2 SAMUEL 15:20

Tenapa nusallo ammantang anrinni, angngapa nalakusuroko amminawang a'lampa a'la'bang mange-mange siagang kalengku? Inakke kalengku takuassengai angkana la'lampa kemaea'. Ammotere' mako siagang erang tommi julu bansanu, dasi-dasi naNakamaseangko Batara siagang tamamminraya mae ri kau.”

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 5:24

Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.