PAMMUJI 22:27 - KITTA' MATANGKASA'

²⁷ Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

PAMMUJI 22:27 Referans Kwoze

PAMMUJI 86:9

Sikontu bansa Kipa'jaria labattu ngasengi, o, Batara, untu' anynyomba mae ri Katte siagang mammuji ri kalompoanTa.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAMMUJI 96:7

Pujimi Batara, he umma' rupataua, pujimi kalompoanNa siagang kagassinganNa!

PAMMUJI 72:11

Sikontu karaenga lasu'juki ri dallekanna, sikontu bansaya a'jari ata-atanna.

PAMMUJI 117:1

Pujimi Batara, he sikontu bansa, pakalompoi, he sikontu suku bansaya!

PAMMUJI 102:22

Nalanikabarrang arenNa ri Sion, siagang lanipuji-puji ri Yerusalem,

PAMMUJI 72:8

Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAMMILANGNGANG 10:32

Punna amminawangko, sikontu apa bajika, iamintu Nagaukanga Batara mae ri kambe, lanagaukang tongi ikambe mae ri kau.”

1 PATTOTTORANG 16:10

Iami Batara tenaya ruanna; ma'rannu-rannuki', nasaba' ikattemi taunNa; sikontu anynyombaya ri Ia ma'reja-rejako.

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.