PAMMUJI 22:24 - KITTA' MATANGKASA'

²⁴ Iami puji, he, sikamma tau mappilangngeria! Iami pakalompo, ikau sikontu turunganna Yakub! Su'jukko ri Ia, ikau sikontu turunganna Israel!

PAMMUJI 22:24 Referans Kwoze

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

PAMMUJI 118:5

Lalang kasukkarangku akkioka' mae ri Batara; nampa appiali na Nalappassanga'.

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

PAMMUJI 22:2

Allata'alaku, o, Allata'alaku, angngapa naKibokoia'? Akkioka', mingka tuli bellaKi' na tena naKitulunga'.

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

LUKAS 23:46

Nampa ammarrang lompomi Isa Nakana, “Bapa'! Ri lalang limanTai Kupassareang KalengKu!” Le'baki akkana kamma, tappu'mi nyawaNa.

PAMMUJI 69:17

Kipialima', o, Batara, saba' iKatte bajikKi' siagang tuli mangngamaseangKi'. Poro assaile laloKi' mae ri nakke lanri lompona pangngarimangnginTa

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”