PAMMUJI 22:23 - KITTA' MATANGKASA'

²³ Lakucaritai sikamma gautTa mae ri sikamma sari'battangku; lalang ri passirapakkanna ummatTa mammuji-mujia' ri Katte.

PAMMUJI 22:23 Referans Kwoze

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

PAMMUJI 115:11

He sikamma tau mappilangngeria, manrannuangko mae ri Batara, Iami antulungko siagang anjagaiko.

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

LUKAS 2:20

Ammotere'mi ke'nanga mange ri paranga, mammuji-muji siagang napakala'biri'mi ke'nanga Allata'ala, lanri yangasenna anjo kajariang le'baka nalangngere' siagang nacini' ke'nanga, tena le'ba' sisalana siagang anjo apa le'baka napau malaekaka mae ri ke'nanga.

YESAYA 25:3

LanipujiKi' ri bansa-bansa makassaka, siagang lanikamallakkangKi' ri kota-kotana sikamma bansa pallaka.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 115:13

LaNabarakkaki sikamma tau mappilangngeria, baji' tau ca'di kammayatompa lompoa.

PAMMUJI 106:5

Poro kucini' tollalo kacopponganna tunipileTa siagang a'rannu-rannu siagang ummatTa. Poro lompo todong pa'maikku siagang rannu siagang sikamma tua'jaria Kipatang.

PAMMUJI 86:12

Appala' sukkurukka' mae ri Katte lalang sibatu pa'maikku o, Karaeng Allata'alaku; erokka' mammuji ri kalompoanTa satunggu-tungguna.

PAMMUJI 33:8

Boli'mi kamma namalla' sikontu linoa mae ri Batara na mappakala'biri' mae ri Ia pandudu'na linoa.

PAMMUJI 22:30

Sikontu tau malompoa lasu'juki ri dallekanNa, sikontu rupatau tattallasa' satunggua lanynyombai mae ri Ia.

PAMMUJI 26:12

Jari amanga' battu ri sikontu bahayaya, lamammujia' ri Batara lalang ri passe'reang umma'Na.

PAMMUJI 35:18

Nakulappala' sukkuru' mae ri Katte ri tangngana ummatTa, siagang kupuji arenTa lalang ri pa'rappunganna ke'nanga.

PAMMUJI 109:30

Erokka' mammuji mae ri Batara siagang sa'ra lompo, ampa'la'bangi arenNa ri tangngana pa'rappunganna ummaka.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.