PAMMUJI 21:4 - KITTA' MATANGKASA'

⁴ BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 21:4 Referans Kwoze

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 119:175

Boli'ma' kamma attallasa', sollanna kumammuji ri Katte, poro nitulunga' ri sikamma katantuanTa.

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

PAMMUJI 89:29

Latuli Kukamaseangi satunggu-tungguna, parjanjiangKu siagang ia tuli majarre'na.

PAMMUJI 13:3

Sa'genna kere wattu musti kukasia' susaya, siagang si'na pa'maikku sila'busu' allo? Sa'genna kere wattu kunikoasai ri musua?

1 KARAENG-KARAENG 2:33

Hukkungang lanri kamateanna anjo ruaya perwira lanatanggongi Yoab siagang turunganna sa'genna satunggu-tungguna. Mingka sikontu turunganna manggeku a'jari karaenga, tuli lanibarakkaki ri Batara – laupaki ke'nanga.”

1 KARAENG-KARAENG 2:45

mingka inakke laNabarakkakia' siagang kakaraenganna manggeku laNapakajarreki sa'genna satunggu-tungguna.”

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’