PAMMUJI 21:1 - KITTA' MATANGKASA'

¹ Untu' pamimping pakelong. Pammujina Daud.

PAMMUJI 21:1 Referans Kwoze

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

PAMMUJI 62:7

Iaji bawang anjagaia' siagang ampasalamaka'; Iaji angngagangnganga', tena kulata'lengga.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

PAMMUJI 71:17

O, Allata'ala, Kiajarakka' battu ri wattu rungkaku, sa'genna anne kamma kucaritai bate pare' malompoTa.

PAMMUJI 63:11

Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

PAMMUJI 20:9

Latatto'roi ke'nanga na tu'guru' mingka ikatte lambangungki' nai' ammenteng kassa'.