PAMMUJI 2:12 - KITTA' MATANGKASA'

¹² su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 2:12 Referans Kwoze

PAMMUJI 40:4

Naajaraka' angkelongangi lagu berua lagu pammuji untu' Allata'alata. Jai tau anciniki siagang a'jari malla', nampa tappa' mae ri Batara.

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

PAMMUJI 34:8

Malaeka'Na Batara anjagai tau mappilangngeria, siagang nalappassang ke'nanga battu ri bahayaya.

YEREMIA 17:7

Mingka tau manrannuanga ri Nakke latuli Kubarakkaki.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

PANGNGEBARANG 16:20

Parhatikangi apa nipangngajarranga mae ri kau, nalanugappa apa-apa bajika. Tappakko mae ri Batara, na nulamate'ne.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

PAMMUJI 2:5

Nampa Naga'gara' larro ke'nanga, Napata'bangka ri pangngalarroiNa.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

ROMA 10:11

Nia' tattulisi' lalang ri Kittaka angkanaya, “Inai-nai tappa' tena nalanipakala'ba pa'mai'na.”

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

PAMMUJI 34:9

Kasia'mi kalennu antekamma baji'Na Batara, mate'nei tau ma'la'langa mae ri Ia.

PAMMUJI 109:20

O, Batara, Kipitujuimi hukkungang anjo tau antudua', mae ri tau a'bicara ja'dalaka ri batangkalengku.

ZEFANYA 2:2

lalang tenanapa nukalumeng siagang kalotoro' rapang bunga! Sadara' mako lalang tenanapa nabattu allo pangngalarroiNa Batara, siagang tenanapa natujuko anjo pangngalarroi a'rinra-rinraNa.