PAMMUJI 18:46 - KITTA' MATANGKASA'

⁴⁶ Tenami kabaranianna ke'nanga; annekkere' siagang assulu' battu ri pammantanganna.

PAMMUJI 18:46 Referans Kwoze

2 SAMUEL 22:47

Batara mattallasaka! Nipujimi Pannulungku! Mala'biriki kalompoanNa Allata'ala Mappasalamakku!

PAMMUJI 57:5

Nikulilingia' ri musu, sanrapangi ke'nanga singa pakanre tau. Giginna ke'nanga sanrapangi poke siagang ana' pana, lilana ke'nanga sanrapangi pa'dang tarang.

PAMMUJI 18:2

Mangngaia' ri Katte, o, Batara, iKattemi kagassingangku.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

YOHANES 14:19

Sinampe' mami natenamo nakkulle linoa ancinikKa'. Mingka ikau ngaseng lanucinikKa'. Na lanri attallasakKa', iaminjo nuttallasa' ngaseng todong.

LUKAS 1:47

nama'rannu-rannu nyawaku kalanri Allata'ala Mappasalamakku.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

PAMMUJI 79:9

Kitulung laloi ikambe o, Allata'ala, Tumappasalama'na ikambe, Kipammopporangi dosa-dosana ikambe siagang Kilappassangi ikambe untu' kalompoang kalenTa.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

PAMMUJI 99:9

Pakala'biriki Karaeng Allata'alata, sombai ri bulu' matangkasa'Na, saba' matangkasaki Karaeng Allata'alata.

PAMMUJI 57:11

Saba' lompona pangngamaseanTa sa'genna langi', tamamminraTa sa'genna rammanga.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 42:9

Poro Napappicinikang lalo pangngamaseanNa Batara ri wattu allo sollanna kukkulle akkelong ri wattu bangngi appala' doang ri Allata'ala kabattuanna tallasakku.

PAMMUJI 25:5

Ajaraka' siagang renrenga' untu' attallasa' situru' erotTa, saba' iKattemi Allata'ala ampasalamaka', tuli manrannuanga' mae ri Katte.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

PAMMUJI 21:13

Lanapabuccuki ana' panana, sa'genna a'boko lari ke'nanga.