PAMMUJI 18:39 - KITTA' MATANGKASA'

³⁹ Kipatappasaki ke'nanga sa'genna takkullea ambangung poleang, anra'ba tenamo pakkullena ke'nanga ri dallekang bangkengku.

PAMMUJI 18:39 Referans Kwoze

PAMMUJI 18:32

Saba' Batarayaji bawang Allata'ala; Allata'alaji bawang akkulle ampattojengki'.

EFESUS 1:22

Le'ba'mi Napakkulantu' ngaseng Allata'ala irawangang kakoasanNa Almasi; nampa Napa'jari Kapalamo Almasi irateanganna sikontu jama'aka.

YOHANES 15:23

Inai-nai angkabirisiA', nakabirisi tommi ManggeKu.

PIRAUNG 5:5

Rapang olo'-olo' nipassai ikambe anjama battala', mangngangi ikambe, mingka tanikellaiaki' ammari-mari.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

PAMMUJI 34:21

Tuli nijagai batangkalenna ri Batara, manna sipappa' bukunna talanitepokai.

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.