PAMMUJI 18:30 - KITTA' MATANGKASA'

³⁰ Kipakagassinga' untu' antumpasaki musua; lanri pannulunNa Allata'alaku nakutarrusu' pannahanna ke'nanga.

PAMMUJI 18:30 Referans Kwoze

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PANGNGEBARANG 30:5

Narupai janjinNa Allata'ala. Sanrapangi pa'lapa' batangkale mae ri sikontu tau battua a'la'lang mae ri Ia.

2 SAMUEL 22:31

Sangkaki gau'Na Allata'ala, janjinNa akkullei nipatappa'! Ia rapang pa'lapa' barambang mae ri sikontu a'la'langa ri Ia.

PAMMUJI 12:6

Nakana Batara, “Tau kasi-asia nijallakkangi na tau sessaya akkunrarengi. Jari battu memamMa' ri kamma-kammaya anne assarei kasannangngang naminasaia ke'nanga.”

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAMMUJI 119:140

Majarreki janjinTa nakkulle nipatappa', sanna' kungaina.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

PAMMUJI 18:2

Mangngaia' ri Katte, o, Batara, iKattemi kagassingangku.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

PAMMUJI 17:7

Kipicinikianga' pangngamaseang malompoTa saba' Kipasalamaki tau ma'la'langa mae ri Katte, amangi ke'nanga ri sa'rinta battu ri pa'bakkana musua.