PAMMUJI 18:14 - KITTA' MATANGKASA'

¹⁴ Nampa a'gunturu' Batara battu ri allaka; Kaminang Tinggia Napappilangngerangi sa'ranNa.

PAMMUJI 18:14 Referans Kwoze

PAMMUJI 144:6

Kipasambilai kilatTa sollanna tassimbung-simbung musua, Kipabuccuki ana' panaTa sollanna gegere' ke'nanga.

HABAKUK 3:11

Cayana panaTa ta'buccu' sarring, pokeTa accilla'-cilla' nicini', nammarimo alloa siagang bulanga ri tampa'na.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

PAMMUJI 77:17

Punna nicinikKi', o, Allata'ala, a'jari mallaki je'neka, iye', manna dapara' tamparanga annekkere' todong.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

YOSUA 10:10

Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

PAOLE 32:23

Kupabattu bala tamammari-maria, Kupakei pana-panana balinna ke'nanga.

PAMMILANGNGANG 24:8

Allata'ala angngerangi ke'nanga assulu' battu ri butta Mesir, rapang tedong romang a'bunduka ansambeangi ke'nanga. Bansa-bansana musua lacappuki Naa'lu', buku-bukunna ke'nanga Nalissaraki, siagang pana-panana ke'nanga Natepoki.

PAMMUJI 21:12

Punna appare' rancana ke'nanga langngewai karaenga, tala'jariai akkala' balle-ballena ke'nanga.

AYUB 38:35

Siagang punna nusuro akkila'-kila' kilaka, maka battui ke'nanga angkana, “Iye' karaeng!”?

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

AYUB 37:4

Nampa, nia' kalangngerang sa'ranNa ammarrung, sa'ra rammang siagang gunturu'; na ri alla'na anjo sa'ra a'galatturuka, akkila'-kila'mi kilaka ri kere-keremae.

AYUB 37:5

Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

PAMMUJI 29:7

Sa'ranNa Batara, angngerang kila' akkila'.

PAMMUJI 77:18

Rammanga appaturungi bosi, a'gamarrungi gunturuka; akkilaki kilaka ri kere-keremae.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.