PAMMUJI 17:7 - KITTA' MATANGKASA'

⁷ Kipicinikianga' pangngamaseang malompoTa saba' Kipasalamaki tau ma'la'langa mae ri Katte, amangi ke'nanga ri sa'rinta battu ri pa'bakkana musua.

PAMMUJI 17:7 Referans Kwoze

PAMMUJI 60:5

Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

PAMMUJI 31:21

Kicokkoi ke'nanga lalang ri la'lanTa battu ri akkala' salana tau ja'dalaka; Kijagai ke'nanga lalang ri pa'la'langanTa battu ri tuduhanna balia.

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

2 KARAENG-KARAENG 19:34

LaKualleangi siagang laKula'langi kota Yerusalem lanri kala'birangKu siagang lanri parjanjiangKu siagang atangKu Daud.’ ”

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

2 KARAENG-KARAENG 19:22

Maka nuassenji angkanaya inai anjo nupakkana-kanai siagang nupakatuna? INakke, Allata'alana tu Israel, Allata'ala matangkasaka! Teai sipato' tampona panggaukannu mae ri Nakke.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.