PAMMUJI 17:3 - KITTA' MATANGKASA'

³ Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 17:3 Referans Kwoze

PAMMUJI 26:2

Kiparessama', o, Batara, siagang Kiso'rima', paressami kaerokangku siagang nawa-nawangku.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

PAMMUJI 39:1

Untu' pamimping pakelong. Pammujina Daud. Untu' Yedutun.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

MALEAKHI 3:2

Mingka inai lakkulle attahang ri allo kabattuanNa Batara ampa'nyatai KalenNa? Nasaba' sanrapangi pepe'na pade'de' bulaeng ti'no', siagang sanrapangi sabung tukang pasassaya.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

PAMMUJI 139:1

Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 66:10

O, Allata'ala, le'ba'mi Kiso'ri ikambe sanrapang tau eroka ampakati'noki peraka lalang ri pepeka.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

HOSEA 7:6

Rapang pepe' lalang ri pattunuanga kammami anjo batena a'bara kaerokang ja'dala'na siagang kalarroanna lalang ri atinna sipattang kabusu', na ri bari'basa'na a'rinra lompomi a'jari pepe' a'jalloka.

YEREMIA 50:20

Ri anjo wattua Israel siagang Yehuda latangkasaki battu ri dosaya, lanri laKupammopporangi sikamma tau le'baka Kupasalama'. INakke, Batara, anne akkana.”

PANGNGEBARANG 13:3

Tau tenaya natutu ri kana-kananna tena nalaamang ri tallasa'na; tau a'bicara sambaranga lanatujui kacilakang.

PAMMUJI 16:7

Mammujia' ri Batara, Ia ampakaingaka'; manna ri wattu bangngina nipasailea' ri sa'ranna pa'maikku.

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

PAMMUJI 7:4

O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

1 SAMUEL 26:23

Batara lambarakkaki sikamma tau tamamminraya siagang lambusuka pa'mai'na. Nasaba' manna pole anne alloa Napasasareammi Batara karaengku mae ri atanta, mingka taerokai atanta a'gau' ja'dala' mae ri karaengku, karaeng nipilea ri Batara.

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.

LAMPA-LAMPANA 16:9

Ri wattunna bangngi ri Troas, nabattuimi Paulus pappiso'na. Lalang pappiso'nana, nia' nacini' se're tau battu ri daera Makedonia ammenteng ri dallekanna. Napala' dudumi anjo taua sollanna a'lampa Paulus mange ri Makedonia antulungi ke'nanga.

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

YAKOBUS 3:2

Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 KORINTUS 4:4

Tena nakuassengi kalengku angkanaya nia' salaku manna pole passala' apa mamo; mingka anjo takkulleai a'jari butti angkanaya tena memang salaku. Kalenna bawang Batara akkulle ampattantui angkanaya sala' yareka tena nakusala.

1 SAMUEL 26:11

Tapporo Napisangkaia' Batara ambunoi karaeng Napilea! Alle bawammi pokena siagang pammoneang je'ne'na, nampa ki'lampa!”

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAMMUJI 139:23

Kisalidikia' o, Allata'ala, kitarrusi pa'maikku, so'ria siagang Kiassemmi pikkirangku.

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.