PAMMUJI 17:1 - KITTA' MATANGKASA'

¹ Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.

PAMMUJI 17:1 Referans Kwoze

PAMMUJI 142:6

Akkioka' mae ri Katte, o, Batara, iKattemi tampa' pa'la'langangku, iKatteji bawang kuparalluang lalang ri anne tallasakku.

PAMMUJI 61:1

Untu' pamimpin pakelong. Nirurungang ri kacapi. Battu ri Daud.

1 YOHANES 3:21

Jari, sikamma sari'battangku kukarimangngia, punna tena nanibilang salaki' ri ati mailalanta, akkulle maki' andallekang ri Allata'ala siagang barani.

MATIUS 15:8

‘Kammaminne kananNa Allata'ala: Napakala'birikKa' anne taua mingka poro ri bawanaji bawang naia atinna sanna' bellana ri Nakke.

PAMMUJI 145:18

A'reppeseki mae ri tau akkioka mae ri Ia, siagang appalaka mae ri Ia siagang tulusu' pa'mai'na.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

PAMMUJI 142:1

Kelong pangngajarang battu ri Daud, ri wattunna lalang ri kali'bong batua.

PAMMUJI 140:12

Boli'mi kamma nituju ri bala lompo tau anggaukangai katerassanga, teaKi' lappassangi ammantang ri lino tau nangaia appitina.

PAMMUJI 86:1

Pappala' doanna Daud. Kipilangngeri pappala' doangku, o, Batara, siagang Kipiali laloa', saba' kasi-asia' na kulamma.

PAMMUJI 66:19

Mingka Napilangngerima' Allata'ala, Naparhatikammi pappala' doangku.

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 18:20

Nalappassanga' battu ri bahayaya Napasalamaka' lanri mangngellaiNa mae ri nakke.

PAMMUJI 7:8

Kipa'rappungi sikontu bansa-bansaya ri tammuliliTa, Kikoasai ke'nanga battu ri empoang kala'biranTa ri suruga.

2 PATTOTTORANG 7:15

Latuli Kuparhatikangi anne BallakKu siagang tuli sadiaKu untu' ampilangngeri pappala' doang nipanaika battu anrinni ri tampaka.

PAMMUJI 5:2

O, Batara, Kipilangngeri kana-kanangku, Kiparhatikangi kunrarengku.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

2 SAMUEL 22:24

Naassengi angkanaya tena callangku na kupakabella kalengku battu ri kasalanga.

AYUB 16:17

Mingka takugaukang katerassang; pammate ci'nonna pappala' doangku ri Batara.

PAMMUJI 54:4

Kipilangngeri pappalakku, o, Allata'ala, Kiparhatikang laloi kana-kanangku.

PAMMUJI 55:18

Allo bangngia' akkunrareng siagang angngarru', na Napilangngeri sa'rangku.

PAMMUJI 61:2

Kipilangngeri pakkiokku, o, Allata'ala, parhatikangi pappala' doangku.

PAMMUJI 84:9

Kipilangngeri laloi pappala' doangku, o, Karaeng Allata'ala Kaminang Koasaya, Kipilangngeri laloi, o, Allata'alana Yakub.

PAMMUJI 86:6

Kiparhatikang laloi pappala' doangku, o, Batara, Kipilangngeri pakkiokku appala' tulung.

PAMMUJI 88:3

Poro ta'rapi' lalo pappala' doangku mae ri Katte, Kipilangngeri laloi pakkiokku.

PAMMUJI 102:2

O, Batara, Kipilangngeri laloi pappala' doangku, boli'mi kamma nata'rapi' pakkiokku mae ri Katte.

PAMMUJI 143:1

Pammuji battu ri Daud. O, Batara, Kipilangngeri pappala' doangku, Kiparhatikangi pappalakku. Kipialia' lanri tamamminraTa, Kiturukianga' pappala' doangku lanri kaadelanTa.