PAMMUJI 16:5 - KITTA' MATANGKASA'

⁵ O, Batara, iKatteji bawang Bataraku; Kisarea' sikontu apa kuparalluanga, sarengku niaki lalang limanTa.

PAMMUJI 16:5 Referans Kwoze

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

PAMMUJI 142:5

Ri wattungku assaile mae ri sa'ri, kuciniki angkana tena bantuangku. Tena anjagaia', yareka anjampangi kalengku.

PIRAUNG 3:24

Batara bawang, tena ruanna rapang barang-barang kupatanga. Lanri kammanami anjo, kumanrannuang mae ri Ia.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

PAMMUJI 119:57

Ikatteji bawang kukacinnai, o, Batara, a'janjia' langgaukangi ajaranTa.

PAOLE 32:9

Mingka anne jari-jarina Yakub Napilei Batara untu' KalenNa.

PAMMUJI 89:4

Kikana, “Le'bakKa' appare' parjanjiang siagang tu nipileKu; le'bakKa' assumpa mae ri Daud, atangKu:

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

PAMMUJI 116:13

Erokka' angngerang passare anggoro' mae ri Batara untu' angkasukkurangi pannulunNa.

PAMMUJI 9:4

A'bokoi na lari musungku ri dallekanTa; tatto'roi ke'nanga na mate.

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

PAMMUJI 125:3

Tau ja'dalaka tena natulusu' lakoasa ri butta pisakana tau lambusuka, sollanna tena namminawang tau bajika a'gau' ja'dala'.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

LAMPA-LAMPANA 2:32

Iaminne Isa nipattallasa' poleanga ri Allata'ala battu ri kamateanga. Ikambe minne le'ba' anciniki anjo apa kajarianga.

PAOLE 18:2

Takkulleai ke'nanga nia' buttana, sangkamma suku-suku maraenga; ia natarimaya ke'nanga salaku imang-imanNa Batara iamintu bageang battu ri passare napassareanga bansa Israel mae ri Batara, sangkamma Napa'janjianga Batara.

YOSUA 22:25

Ciniki, Napa'niaki anne Binanga Yordan ri tangnga-tangngata lanri untu' ampasisa'laki ikambe siagang ikau tu Ruben siagang tu Gad. Ma'nassa tena tojeng apa-apa passisambungannu siagang Batara.’ Jari apamo lakajariang sallang? Mattantu jari-jarinu sallang lanapammarimi jari-jarina ikambe untu' anggaukangi ibadaya mae ri Batara.

YOSUA 22:27

mingka untu' a'jari pammatei mae ri katte ngaseng, siagang mae ri jari-jarita ri allo ri boko, angkana kammatojengi ikambe anne nigaukangi ibadaya mae ri Batara ri Kema KahaderanNa, koro'bang nitunu, passare-passare siagang koro'bang passari'battangngang. Lanri kammana anjo, tenamo nalanakana jari-jarinu angkanaya anjo jari-jarina ikambe tena passisambunganna siagang Batara.