PAMMUJI 16:3 - KITTA' MATANGKASA'

³ Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

PAMMUJI 16:3 Referans Kwoze

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 12:26

Tau bajika upakkangngangi na sambori'na; tau ja'dalaka sala oloangi lanri kaja'dallanna.

2 PATTOTTORANG 6:41

Ammenteng maKi' nai' kamma-kamma anne, o Karaeng Allata'ala! Kammayatompa antama' maKi' anrinni ri anne BallatTa siagang anjo Patti Parjanjiang pammatei kakoasanTa na Kiammantang anrinni sa'genna satunggu-tungguna. Kibarakkaki laloi sikontu jama-jamanna imang-imanTa, siagang dasi-dasi namate'ne sikontu ummatTa lanri bajitTa mae ri ke'nanga.

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

MALEAKHI 3:17

Nakana Batara Kaminang Koasaya, “La'jari ke'nanga ummakKu. Ri wattungKu angngalle tindakang, la'jari ke'nanga umma' nisayangKu. Lakukamaseangi ke'nanga, rapang se'rea mangge ansayangi ana' mappakalompoa ri kalenna.

YESAYA 62:4

Arennu teaimi ‘Nibokoia’, pa'rasangannu teaimi ‘Ia Sinoa’. Lanigallarakko, ‘Nisayanga ri Allata'ala’, na pa'rasangannu niarengi, ‘Le'bakamo A'nikka,’ saba' mangngellai Batara mae ri kau, Ia rapangi bura'nenna pa'rasangannu.

PANGNGEBARANG 8:31

Assannang-sannanga' ri tompo' buttaNa, na mate'ne pakkasiakku ri alla'na rupataua.

PAMMUJI 119:63

A'bela-bela' siagang sikontu tau mappilangngeria, sikontu tau anggaukangai parentaTa.

PAMMUJI 116:15

Tamaka manynyayanNa Batara ri kamateanna se're tunikamaseanna.

PAMMUJI 101:6

Kungai tau tamamminraya pa'mai'na mae ri Allata'ala; akkullei ammantang ke'nanga ri ballakku. Tau tenaya callanna ri tallasa'na akkullei a'jari palayang mae ri nakke.

PAMMUJI 30:4

Kilappassanga' battu ri lino kamateanga, Kipattallasakka' battu ri alla'na sikamma tau matea.

TITUS 3:8

Sanna' kontutojenna anne bicaraya. Kukellaiko ampakasingara' tojeng-tojengi yangasenna anne, sollanna akkulle usaha tojeng-tojeng sikamma tau tappaka mae ri Allata'ala, untu' anggaukangi jama-jamang bajika siagang a'matu-matua untu' yangasenna taua.

EFESUS 1:1

Natarimai umma'Na Allata'ala ri Efesus, majarreka tappa'na mae ri Isa Almasi.

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

KELONG MALA'BIRI' 7:10

Inakke napatanga' tanringku, eroki ri nakke.

PAMMUJI 122:8

Lanri sikontu bija pammanakangku siagang bela-belaku kukanamo, “Poro salewangangko!”