PAMMUJI 149:3 - KITTA' MATANGKASA'

³ Pujimi arenNa nu'joge'-joge', pujimi siagang kacapi na rabana!

PAMMUJI 149:3 Referans Kwoze

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

PAMMUJI 81:2

Akkelongko pammuji-muji mae ri Allata'ala, kagassinganta, akkio' rannuko ma'reja-reja mae ri Allata'alana Yakub.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

2 SAMUEL 6:16

Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

PAMMUJI 33:2

Appala' sukkurukko mae ri Batara siagang kacapi, akkelongko mae ri Ia nirurungang ri sa'ra musi'.

EZRA 3:10

Ri wattunna appakkaramula napadongko' batu pundasina pajamaya anjo bangunang Balla'Na Batara ri Yerusalem, sikamma imanga ammakei juba siagang anna'galaki tarompe' na massing angngalle tampa'. Tu Lewi battua ri golongang Asaf ammenteng tongi anjoreng, massing anna'gala' gong-gong ca'di. Mammuji-mujimi ke'nanga ri Batara situru' paratorang le'baka nipattantu appakkaramula ri jammang Karaeng Daud.

1 PATTOTTORANG 16:42

Heman siagang Yedutun tugasa' tongi untu' tarompeka, simbala', siagang pakkakasa' musi' maraengannaya ia nipakea anrurungangi anjo kelong-kelong pammujia. Anggota-anggotana anjo bija-bijanna Yedutun nisarei tugasa' untu' anjagai sikamma pakke'bu' lompoa.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

1 PATTOTTORANG 25:6

Yangasenna anjo ana'na Heman akkarena musi' simbala', kacapi, siagang gambusu' nipimping ri manggena ke'nanga untu' anrurungangi pa'gaukang sambayanga ri Balla'Na Batara. Asaf, Yedutun, siagang Heman anggappai tugasa' situru' pitunju' battu ri karaenga.

2 PATTOTTORANG 20:28

Ri wattunna battu ke'nanga ri kotaya, a'barrisiki ke'nanga mange ri Balla'Na Batara nirurungang siagang sa'ra kacaping siagang tarompe'.

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.