PAMMUJI 148:12 - KITTA' MATANGKASA'

¹² sikontu turungkaya siagang tuloloa, tau toaya siagang tau rungkaya.

PAMMUJI 148:12 Referans Kwoze

LUKAS 19:37

Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

PAMMUJI 68:25

Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.

PAMMUJI 8:2

O, Batara, Allata'alana ikambe, masahoroki koasaTa ri sikontu linoa! KalompoanTa natompoki langika