PAMMUJI 147:15 - KITTA' MATANGKASA'

¹⁵ Ia assare parenta mae ri buttaya, na nigaukammo linta' kananNa.

PAMMUJI 147:15 Referans Kwoze

AYUB 37:12

Allayangi rammanga alla'bang lino, lanri parentaNa Allata'ala na'gio' ri kere-keremae.

2 TESALONIKA 3:1

Kala'busanna, sari'battangku, appala' doangko untu' ikambe. Appala' doangko sollanna akkulle a'la'bang linta' siagang nitarima baji' biritta battua ri Batara, sangkamma le'baka kajariang mae ri kau ngaseng pirangalloang.

MATIUS 8:13

Le'baki anjo Nakanamo Isa mange ri anjo perwiraya, “Ammotere' mako mange ri balla'nu, a'jarimi antu apa nukatappakia.” Naanjo wattua baji' memammi ri garrinna pajamana anjo perwiraya.

PAMMUJI 107:25

Lanri parentaNa nammiri' anging puttusuka Napabattu bombang-bombang lompoa.

PAMMUJI 107:20

Napammollei ke'nanga siagang parentaNa, na Nalappassang ke'nanga battu ri kali'bong kuburuka.

PAMMUJI 68:11

Nampa ammantang ummatTa anjoreng; lalang kabajikanTa, o, Allata'ala, Kiparakai tu kasi-asia.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.